ಪವನ ವಿದ್ಯುತ್ ಉತ್ಪಾದನೆಯಲ್ಲಿ ಭಾರತ 2030ರ ವೇಳೆಗೆ 100 gw (ಗಿಗಾವ್ಯಾಟ್‌) ಸಾಮರ್ಥ್ಯ ಮೀರುವ ಹಾದಿಯಲ್ಲಿ ಮುನ್ನಡೆದಿದೆ ಎಂದು ಕೇಂದ್ರ ಹೊಸ ಮತ್ತು ನವೀಕರಿಸಬಹುದಾದ ಇಂಧನ ಸಚಿವ ಪ್ರಹ್ಲಾದ್‌ ಜೋಶಿ (Pralhad Joshi) ಹೇಳಿದರು.

ಚೆನ್ನೈಯಲ್ಲಿ ಗುರುವಾರ, ‘ವಿಂಡ್ ಎನರ್ಜಿ ಇಂಡಿಯಾ 2026’ರ 8ನೇ ಆವೃತ್ತಿ ಉದ್ಘಾಟಿಸಿ ಮಾತನಾಡಿ, ಭಾರತದ ಪವನ ವಿದ್ಯುತ್ ವಲಯವು ನಿರಂತರ ಬೆಳವಣಿಗೆಯ ಹೊಸ ಹಂತ ಪ್ರವೇಶಿಸುತ್ತಿದೆ. 2026ರ ಸೆಪ್ಟೆಂಬರ್ 30ರ ವೇಳೆಗೆ 59.20 GW ಸ್ಥಾಪಿತ ಸಾಮರ್ಥ್ಯ ಸಾಧಿಸಿದ್ದು, ಈ ಮೂಲಕ 2030ರ ಗುರಿಯತ್ತ ದೃಢವಾದ ಹೆಜ್ಜೆಯಿರಿಸಿದೆ. ಪವನ ಶಕ್ತಿ ಉತ್ಪಾದನೆ ಮತ್ತು ರಫ್ತುಗಳಲ್ಲಿ ಜಾಗತಿಕ ನಾಯಕತ್ವಕ್ಕೆ ಬಲವಾದ ಅಡಿಪಾಯ ಹಾಕುತ್ತಿದೆ ಎಂದು ಪ್ರತಿಪಾದಿಸಿದರು