ಪ್ರಮುಖವಾಗಿ 640 ಕೋಟಿ ರೂ. ವೆಚ್ಚದಲ್ಲಿ ನಿರ್ಮಾಣವಾಗಿರುವ ಲೇಹ್‌ನ (Leh) ಕುಶೋಕ್ ಬಕುಲಾ ರಿಂಪೋಚಿ ವಿಮಾನ ನಿಲ್ದಾಣದ ಹೊಸ ಟರ್ಮಿನಲ್ ಅನ್ನು ಉದ್ಘಾಟಿಸಿದರು. ಈ ಆಧುನಿಕ ಟರ್ಮಿನಲ್ 23,800 ಚದರ ಮೀಟರ್ ವಿಸ್ತೀರ್ಣ ಹೊಂದಿದ್ದು, ವಾರ್ಷಿಕವಾಗಿ 35 ಲಕ್ಷ ಪ್ರಯಾಣಿಕರನ್ನು ನಿರ್ವಹಿಸುವ ಸಾಮರ್ಥ್ಯ ಹೊಂದಿದೆ. ಟರ್ಮಿನಲ್‌ನಲ್ಲಿ ಇಂಧನ ದಕ್ಷತೆಯನ್ನು ಹೆಚ್ಚಿಸಲು ಭೂಶಾಖದ ಶಕ್ತಿಯನ್ನು ಬಳಸಲಾಗಿರುವುದು ವಿಶೇಷವಾಗಿದೆ
ಇದರ ಜೊತೆಗೆ, ರಸ್ತೆ ಪ್ರವಾಸ ಕೈಗೊಳ್ಳುವವರಿಗೆ ಸುರಕ್ಷಿತ, ಸುಖದಾಯಕ ಪ್ರಯಾಣಕ್ಕಾಗಿ `ಬಾರ್ಡರ್ ರೋಡ್ಸ್ ಆರ್ಗನೈಸೇಷನ್’ (ಬಿಆರ್‌ಓ) ಲೇಹ್‌ನಲ್ಲಿ ನಿರ್ಮಿಸಿರುವ 298 ಕಿ.ಮೀ. ಉದ್ದದ ‘ನಿಮ್ಮು-ಪದುಮ್-ದಾರ್ಚಾ’ ರಸ್ತೆಯೂ ಸೇರಿದೆ. ಇದು ಲೇಹ್‌ನಲ್ಲಿರುವ `ನಿಮ್ಮು’ವನ್ನು, ಹಿಮಾಚಲ ಪ್ರದೇಶದ ‘ದಾರ್ಚಾ’ದೊಂದಿಗೆ ಝನ್ಕ್ಸಾರ್‌ ಕಣಿವೆಯ ಮೂಲಕ ಸಂಪರ್ಕಿಸುತ್ತದೆ. ಶ್ರೀನಗರ-ಲೇಹ್ ಮತ್ತು ಮನಾಲಿಗೆ-ಲೇಹ್ ಹೆದ್ದಾರಿಗಳಿಗೆ ಪರ್ಯಾಯ ಮಾರ್ಗ ಇದಾಗಿದೆ. ಈ ಮಾರ್ಗವು ಅತ್ಯಂತ ಎತ್ತರದಲ್ಲಿರುವ `ಶಿಂಕುನ್ ಲಾ ಪಾಸ್’ (ಕಣಿವೆ ಮಾರ್ಗ) ಸೇರಿದಂತೆ, ಹಿಮಾಲಯದ ಕಠಿಣ ಭೂಪ್ರದೇಶಗಳ ಮೂಲಕ ಹಾದುಹೋಗುತ್ತದೆ.
ಅಲ್ಲದೆ, 9 ಮೆಗಾವ್ಯಾಟ್ ಹನು ಸಣ್ಣ ಜಲವಿದ್ಯುತ್ ಯೋಜನೆ ಮತ್ತು 66 ಕೆವಿ ಡಬಲ್-ಸರ್ಕ್ಯೂಟ್ ದಹ್-ಹನು-ಖಲ್ತ್ಸಿ ಪ್ರಸರಣ ಮಾರ್ಗ, ಸಿಂಧು ಘಾಟ್‌ನಲ್ಲಿ ಶಿಲಾ ಕಲೆ ರಕ್ಷಣೆಗೆ ಭಾರತದ ಮೊದಲ ಪೆಟ್ರೋಗ್ಲಿಫ್ ಸಂರಕ್ಷಣಾ ಉದ್ಯಾನವನ, ಪ್ರಾಜೆಕ್ಟ್ ಹಿಮ್ ಸರೋವರದ ಅಡಿಯಲ್ಲಿ 40 ಹಳ್ಳಿಗಳಲ್ಲಿ ಅಭಿವೃದ್ಧಿಪಡಿಸಲಾದ 40 ಜಲಮೂಲಗಳನ್ನು ಉದ್ಘಾಟಿಸಿದರು.
