ಭಾರತದಲ್ಲಿ ದೊಡ್ಡ ಕಾರ್ಪೊರೇಟ್ ಕಂಪನಿಗಳು ಹಾಗೂ ಫೈವ್ಸ್ಟಾರ್, ತ್ರೀಸ್ಟಾರ್ ಹೋಟೆಲ್ಗಳು ಮಾತ್ರ ಭರ್ಜರಿ ಆದಾಯ ಗಳಿಸುತ್ತವೆ ಎಂಬುದೇನಿಲ್ಲ. ಸಣ್ಣಪುಟ್ಟ ಹೋಟೆಲ್ಗಳು, ಕಾಂಡಿಮೆಂಟ್ಸ್ ಮತ್ತು ಬೇಕರಿಗಳೂ ಉತ್ತಮ ಆದಾಯ ಗಳಿಸಬಲ್ಲವು ಎಂಬುದಕ್ಕೆ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿರುವ ಪುಟ್ಟ ಹೋಟೆಲ್ವೊಂದರ ಕಥೆ ಉತ್ತಮ ಉದಾಹರಣೆಯಾಗಿದೆ.
ಹಳ್ಳಿಯೊಂದರ ಸಮೀಪದ ಮುಖ್ಯರಸ್ತೆಯಲ್ಲಿರುವ ಈ ಪುಟ್ಟ ಹೋಟೆಲ್ನಲ್ಲಿ ಕೇವಲ ₹100ಕ್ಕೆ ಊಟ ನೀಡಲಾಗುತ್ತದೆ. ಕೈಗೆಟುಕುವ ದರದಲ್ಲಿ ಊಟ ಸಿಗುವುದರಿಂದ ಹೆಚ್ಚಿನ ಸಂಖ್ಯೆಯಲ್ಲಿ ಗ್ರಾಹಕರು ಹೋಟೆಲ್ಗೆ ಬರುತ್ತಿದ್ದಾರೆ ಎನ್ನಲಾಗಿದ್ದು, ಇದೇ ಕಾರಣಕ್ಕೆ ಕಡಿಮೆ ಬೆಲೆಯಲ್ಲಿಯೂ ಉತ್ತಮ ವಹಿವಾಟು ನಡೆಸುತ್ತಿದೆ ಎಂಬ ಚರ್ಚೆ ಆರಂಭವಾಗಿದೆ.
ಈ ಹೋಟೆಲ್ನ ಗ್ರಾಹಕರ ಸಂಖ್ಯೆ ಹಾಗೂ ದಿನದ ಆದಾಯಕ್ಕೆ ಸಂಬಂಧಿಸಿದ ಲೆಕ್ಕಾಚಾರವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ನೆಟ್ಟಿಗರಲ್ಲಿ ಭಾರಿ ಕುತೂಹಲ ಮೂಡಿಸಿದೆ. ಕಡಿಮೆ ಬೆಲೆ, ಉತ್ತಮ ರುಚಿ ಮತ್ತು ಹೆಚ್ಚಿನ ಗ್ರಾಹಕರನ್ನು ಹೊಂದಿದ್ದರೆ ಸಣ್ಣ ಹೋಟೆಲ್ ಕೂಡ ನಿರೀಕ್ಷೆಗೂ ಮೀರಿದ ಆದಾಯ ತಂದುಕೊಡಬಹುದು ಎಂಬುದನ್ನು ಈ ಉದಾಹರಣೆ ತೋರಿಸುತ್ತಿದೆ.
