‘ಟಾಕ್ಸಿಕ್’ ಚಿತ್ರದ ಬಿಡುಗಡೆ ಕೆಲಸಗಳಲ್ಲಿ ಬ್ಯುಸಿಯಾಗಿರುವ ರಾಕಿಂಗ್ ಸ್ಟಾರ್ ಯಶ್ ಸದ್ಯ ಯಾರಿಗೂ ಸುಲಭವಾಗಿ ಸಿಗುತ್ತಿಲ್ಲ. ಆದರೆ ತಮ್ಮ ಆಪ್ತ ಸ್ನೇಹಿತ ಹಾಗೂ ನಟ ಚಿಕ್ಕಣ್ಣನಿಗೆ ಮಾತ್ರ ಸಮಯ ನೀಡಿರುವುದು ವಿಶೇಷ ಗಮನ ಸೆಳೆದಿದೆ. ಯಶ್ ಮತ್ತು ಚಿಕ್ಕಣ್ಣ ಹಲವು ವರ್ಷಗಳಿಂದ ಆಪ್ತ ಸ್ನೇಹಿತರಾಗಿದ್ದು, ಇವರಿಬ್ಬರ ಬಾಂಧವ್ಯಕ್ಕೆ ಮತ್ತೊಮ್ಮೆ ಈ ಭೇಟಿ ಸಾಕ್ಷಿಯಾಗಿದೆ.
ಯಶ್ ಹಾಗೂ ಚಿಕ್ಕಣ್ಣ ಜೋಡಿ ಈ ಹಿಂದೆ ‘ಕಿರಾತಕ’ ಮತ್ತು ‘ಮಾಸ್ಟರ್ಪೀಸ್’ ಸಿನಿಮಾಗಳಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿತ್ತು. ಈ ಚಿತ್ರಗಳಲ್ಲಿನ ಇವರ ಕಾಂಬಿನೇಷನ್ನ್ನು ಅಭಿಮಾನಿಗಳು ಹಾಗೂ ಸಿನಿಪ್ರೇಕ್ಷಕರು ಮೆಚ್ಚಿಕೊಂಡಿದ್ದರು. ತೆರೆಮೇಲಿನ ಸ್ನೇಹಪೂರ್ಣ ಕೆಮಿಸ್ಟ್ರಿ ಜೊತೆಗೆ ತೆರೆಹಿಂದೆಯೂ ಇವರ ಸ್ನೇಹ ಮುಂದುವರಿದಿದೆ.
ಇದೀಗ ಯಶ್ ಮತ್ತು ಚಿಕ್ಕಣ್ಣ ಒಟ್ಟಿಗೆ ಕಾಣಿಸಿಕೊಂಡಿರುವ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ಗಮನ ಸೆಳೆಯುತ್ತಿದೆ. ‘ಟಾಕ್ಸಿಕ್’ ಚಿತ್ರದ ಕೆಲಸಗಳ ನಡುವೆಯೂ ಆಪ್ತ ಸ್ನೇಹಿತನಿಗೆ ಸಮಯ ನೀಡಿರುವ ಯಶ್ ಅವರ ನಡೆ ಅಭಿಮಾನಿಗಳ ಮೆಚ್ಚುಗೆಗೆ ಪಾತ್ರವಾಗಿದೆ. ವರ್ಷಗಳು ಕಳೆದರೂ ಇವರ ಸ್ನೇಹ ಮಾತ್ರ ಇನ್ನೂ ಅದೇ ರೀತಿಯಲ್ಲಿ ಗಟ್ಟಿಯಾಗಿದೆ ಎಂಬುದನ್ನು ಈ ಫೋಟೋ ಮತ್ತೊಮ್ಮೆ ತೋರಿಸಿದೆ.
